Jaydi 發表於 2015-11-23 19:41:40

SEBA護具食評


聽閒最近SEBA STYLE 返左套新護具, 我當堂嚇一跳 然後得啖笑, 對於平時踩ROLLER 要撞牆先停到既我黎講, 當然要狗衝去睇下依套野到底咩料.
首先睇佢個包裝 的確係幾有誠意既 而且仲有分 細,中,大,加大碼, 真係大人細路通殺.

同其他護具一樣 有分護掌,護肘,護膝. D棉摸上手個感覺同其他平價野根本冇得比 好似枕頭咁舒服, 而且硬膠部份亦比其他平價貨更堅固, 比到人一種可以放心仆落去既感覺.

好啦 講左咁多廢話 宜家入正題 首先試下個護膝先.

首先要講講依個護膝係用左QUICK RELEASE SYSTEM, 同傳統既護具有咩分別?
魔術貼位只要你第一次用果陣SET好個長度 之後除左你借比人用或者突然瘦左肥左, 否則條魔術貼基本上都唔洗再搞, 另外就係相信唔少新手(例如我)都會試過著完對鞋先發現自己未著護膝 結果又要除返哂出黎再搞, 但係依套護具係絕對唔會有依個問題, 點解? 因為佢內套係用左拉鍊設計, 套岩左個位再拉一拉拉鍊,再扣埋條帶就著完.


講完護膝就到護肘, 同護膝一樣採用QUICK RELEASE SYSTEM,仲有張好貼心既標籤提示返到底係左定右,對於初接觸護具既人黎講依樣絕對係冇得輸,要留意返既係護肘係冇採用拉鍊設計,所以記得先戴好護肘再戴護掌.


最後到護掌, 同其他2PART一樣 貼心標籤提示你左同右,另外仲要讚下手腕固定帶,魔術貼位佢特別做厚,寬左, 有咩用? 相信有好多人都試過除護具果陣唔小心將成條帶抽左出黎, 無錯,除果刻係幾爽同幾方便,但你下次戴果陣穿返你1,2個鍾, 到時就真係唔知方唔方便啦, 但依對護掌就冇咁既問題啦 點解呀又, 因為你根本唔會有方法抽到條帶出黎.


著完套護具當然要即刻試下仆兩野啦.

總括黎講依套護具著完上身之後對關節位既活動能力限制好低,佢採用既硬殼物料亦比到使用者信心,而且QUICK RELEASE SYSTEM亦比傳統護具更方便,所以,我係高度推薦比咁多位初學者,不妨整返套,可能會令你從此愛上戴護具既人生.



頁: [1]
查看完整版本: SEBA護具食評