嘩~寫情史~~~咁我又公開一下我的情史。
第一對:朋友借用之雙排鞋,非常高級,雖然係借,但係用左半年.....不過我並不喜歡,因為當時係一切都係被迫的。
第二對:智趣鞋,在維園與一群教練搭訕時購入,屬智趣高檔貨。
第三對:rollerblade千年老款,於觀塘工廠區購入,原因係智趣鞋終於光榮戰死......享年三歲....
第四對:無名.....因為某君強烈推薦.....令我同時擁有兩對鞋。最後我都將佢轉送返比某君。
第五對:mission hockey鞋,因為我用rollerblade千年老款玩平花,最後光榮戰死,所以購入一對hockey鞋試下玩平花,我用左佢好耐,仲同埋佢一齊去杭州。但係最後比一位「劉備」以借用之名長借到現在.....
第六對:crossmax 3,去過杭州之後,發現當時用hockey鞋玩平花不理想,於事用盡所有方法都要有一對當時紅極一時的crossmax 3,最後呢對鞋我轉讓比一位教練,不過賣左呢對鞋係令我最感到可惜的.....
第七對:seba測試型,當時seba還在測試中,效果不好,用左三個月於是我好快就換鞋.....
第八對:roces skt 100,由於賣左seba測試型,於是急於一對新鞋。skt100的問題是cuff太高,玩平花感覺不太好,用左三個月於是我好快又換鞋。
第九對:旋風2,無左skt100之後,我要一對中端平花鞋,當時旋風2為新出貨品,於是立刻購入。對鞋非常好用,直到我太多鞋時才轉讓給小朋友,應該依然健在。
第十對:twister小黃鞋,呢鞋鞋係經典中的經典,當年去杭州時都好想購入,但係實在太難搵,同時物以罕為貴,令購入更困難。我最後搵到韓國先搵到.....小黃鞋的出現令旋風2光榮退役。呢對鞋一直陪伴我到現在,雖然對鞋不是首席正選,但係卻是首席後備。
第十一對:rossignal走佬鞋,純粹為左過引而購入,但發現實際性能不如所想一樣,於是賣了給「兩蚊」。
第十二對:seba h(黑金),米高公司非常比面,送左一對比我。人地送的自然無咁珍惜,我好快就賣左比「呀wing」。
第十三對:c8,為一試輕鞋玩平花的感覺,於是我購入了一對,但係玩左一段時後對鞋斷開左兩邊.....雖然復修返,但係都唔可以再用來玩平花....
第十四對:seba h(紅金),對c8斷左,急於要一對新鞋...於是唯有即時購入一對seba頂住先,結果頂到現在。
第十五對:crossmax s-lab,為左彌補當年賣左crossmax 3的過錯,於是購入一對它的後繼版本。收藏意義多過實際。
第十六對:freewave classic,現正使用中,陣容中的必然正選。一個字:勁!!!!!
刀架、輪子等不計其數,有機會為大家詳細寫圖文並茂分享下。應該仲有兩對,一對係fr舊版本同鳳凰速滑鞋,但係都係用左超短時間,所以不列入以上陣容。
現在陣容為:freewave、twister小黃鞋、crossmax s-lab、seba-h、c8 |