Seba FR系列一向都係Freeride朋友摯愛硬淨嘅外殼襟跌襟撞又耐用 內膽又軟又舒服吸震又強用黎踩街代步跑跑跳跳都冇難度！ 近黎FR系列既FR1返左新顏色；白色同黃色 咁我就即刻開黎睇過 原本只係諗住睇下新顏色靚唔靚 點知一開箱先發現有驚喜     眼利嘅朋友可以已經發現呢對FR1 2016配嘅刀架 唔再係以前嘅R1刀架(俗稱X架) 又唔係Deluxe刀架(俗稱V架)喎 而係Seba最新嘅4D刀架！  4D刀架除左型仔之外 亦都比以前舊FR配嘅X架硬淨得多 成支刀架嘅切割，橫橋承托都大幅度改良 做到支撐力更強之餘重量跟X架差唔多 呢個都唔係重點 再睇睇個內膽 一摸就知唔同 新FR內膽隻布料靚好多舒服好多 冇哂以為舊膽個種刮腳感覺    摸落已經好舒服 一著落腳 發覺原來唔止用料 連Cutting都好似唔同左 比起舊版更加包腳(貼腳) 又唔會"UN"住腳面喎 即刻扯個內膽出黎睇睇   又真係完全唔同哂 你見到舊版其實係利用中間條橡筋拉埋個內膽果兩塊布 所以出黎個感覺會係 內膽還內膽，鞋舌還鞋舌咁 件事唔多貼腳 亦都因為太多層Layer而有機會"UN"住腳面  新版就會一塊布料Cut靚哂縫好個鞋頭 所以穿落去會好貼腳同唔會"UN"住哂 比舊FR內膽貼腳舒服，又比舊Deluxe(太極)內膽輕巧靈活  腳尾手揪位亦都進化左 更耐用更好拎 今次個內膽真係好有驚喜 舒適度，貼腳度都大幅提升 刀架用到最新既4D刀架 靚左又硬淨左 成對鞋不論外表定實用性都升哂lv 再加埋黃色同白色咁sharp 真係冇得輸呀   仲可以cosplay比卡超 lololololol  捉邊隻好呢？ |
Powered by Discuz! X3.4
© 2001-2017 Comsenz Inc.
