香港輪滑網滾軸溜冰資訊站HK Roller › 首頁 ›ROLLER與生活 › 查看內容

迪欣湖家庭輪滑活動首選!

2016-10-22 11:40| 發佈者: admin| 查看: 4673| 評論: 0|原作者: Jaydi

摘要: 迪欣湖輪滑遊記

迪欣湖輪滑遊記

假期一家大細有乜好搞作？有時候諗去邊都真係幾煩，又要好玩又要平又要比小朋友放到電都仲煩。
去廸欣湖踩ROLLER都一次過可以滿足晒又平又好玩又放電三個願望。

成個迪欣湖既緩跑徑全長約1,500米，難度如果5分係最難迪欣湖線我會比1分。
緩跑徑既地面算得上平滑幾乎睇唔到爛地而且都幾闊，斜路少。如果唔去花園果邊+入到迪欣湖先換鞋直頭係全程平路，技術要求相對較低，識剎制膠停、T剎就已經行得。

不過假期時會比較多人，特別近入口7仔個位。果度係全個廸欣湖園區唯一個付款地方，租單車、租艇仔、停車場錢通通在7仔搞掂，所以永遠要排長龍...

活動中心仲有雙人4人有蓋單車租用，好適合一家大細入面有唔識踩ROLLER既成員，如果連單車都唔想踩既，無問題果到沿路都有好多草地，可以鋪張墊係到野餐/補給站。

野食野飲唔夠就去7仔叮叮野食。最重要係有冷氣。

試問香港仲有邊個位可以集齊上面咁多樣野?
條路靚個景靚難度低有補給站有單車租
你有既快D話我知

去迪欣湖既方法有 :
1.渣車去但係車位得23個!!! 唔想無位泊就要好早到。
2.坐MTR到迪士尼站再步行約十分鍾踩ROLLER去既5分鍾
沿路有指示牌都唔明白既可以留意影片停車場,大馬路,行人隧道

入到去先換鞋